Main » 2011 » August » 3 » Ինչպես ներբեռնել վիդեոներ YouTube-ից
11:22 AM
Ինչպես ներբեռնել վիդեոներ YouTube-ից
Այս մասին մի քանի անգամ արդեն անդրադարձել եմ բլոգի նյութերում, սակայն այդ մեթոդները և ծրագրերի մեծամասնությունը այժմ կամ չեն աշխատում, կամ էլ փոքր ինչ դժվար գործընթաց են իրենցից ներկայացնում: Այժմ կներկայացնեմ մի նոր ծրագիր, որի միջոցով YouTube-ից ֆայլեր ներբեռնելը կդառնա շատ հեշտ գործընթաց: YouTube Downloader-ը ոչ միայն ներբեռնում է վիդեոներ, այլ նաև դրանք ավտոմատ վերափոխում է Ձեր ուզած ֆորմատի: Ծրագրի կարևոր ֆունկցաիներից է նաև այն, որ վիդեո ներբեռնելիս կարելի է նշել YouTube-ում առկա տվյալ վիդեոյի լավագույն որակը (240p, 360p, 480p, 720 HD, 1080 HD): Ծրագրում կա նաև հնարավորություն առանց YouTube այցելելու փնտրել Ձեր ուզած վիդեոն, նախնական դիտել այն և ներբեռնել: Դա կատարվում է Search կոճակը սեղմելով:
Ինչպես անել՝ 1. Ծրագիրը տեղադրելուց և լիցենզիոն կոդը գրելուց հետո (կոդը գտնվում է արխիվի մեջ) էկրանի վրա հայտնվում է նկարում ցույց տրված նշանը: 2. Մտնում եք YouTube և բացում այն վիդեոն, որը ուզում եք ներբեռնել: 3. Մկնիկով բռնում եք վիդեոյի հասցեն և քաշում նկարում ցույց տրված նշանի վրա (Կամ ծրագրում սեղմում եք Download կոճակը և բացված պատուհանում տեղադրում վիդեոյի հասցեն): 4. Բացվում է մի պատուհան, որտեղից ընտրում եք վիդեոյի որակը, վիդեոյի և ձայնի ֆորմատը ու վիդեոյի թղթապանակը:
Այսպիսով Ձեր վիդեոն արդեն ներբեռնվում է: Միայն ավելացնեմ, որ որոշակի վիդեոների դեպքում ձայնի հետ խնդիրներ ունենալուց խուսափելու համար ձայնի կոդեկը նշեք mp3: