Հայերեն «համբույր» բարդ բառը կազմված է «համ» և «բույր» բառերից, և երևի այլ լեզվով համբույրը նման բնորոշումը չունենա:
Մարդու գլուխն ունակ է տարբեր շարժումների, որոնցից առանձնանում է համբույրը: Համբուրում և համբուրվում են բոլորը: Շատերը գտնում են, որ համբույրի համար շատ խելք պետք չէ: Եվ իզուր: Այդ գործողությունն արժանացել է գիտական հետազոտման:
Այս հանելուկային երևույթը դիտարկում են թե բժիշկները, թե սոցիոլոգները և թե բակերում նստած բամբասկոտ հարևանները: Ահա թե ինչ են իրազեկում այդ խոսք ու զրույցները:
Ֆրանսիական համբույրի ժամանակ աշխատում են 30 մկան, դրանցից 12-ը գործում են շրթունքների շարժման համար, իսկ 11-ը՝ լեզվի: Այս գործողության ընլացքում սովորաբար սրտի զարկերը 70-ից հասնում են 150-ի: