Ասում են` այդ գործում հին հռոմեացիների ու հին հույների մատն է խառը:
Իսկ ավելի ստույգ, այս ավանդույթը գալիս է Լոնդոնից: Սա տխուր,
միաժամանակ, ծիծաղելի պատմություն է: Լոնդոնում երկար ժամանակ էին
հիշում այս կատակը, որը գիտեին մեծից փոքր: Եվ այդ ամենը սկսվեց
1860 թվականից:
Միանգամից մի քանի հարյուր մարդ հրավիրատոմսեր ստացան, որոնց
վրա գրված էր. «Հրավիրում ենք ներկա գտնվելու սպիտակ առյուծներին
լողացնելու ամենամյա արարողության հանդեսին, որը տեղի կունենա
ապրիլի 1-ին` առավոտյան ժամը 11-ին»: Տվյալ ժամին` Թաուերի մոտ,
հրավիրյալների, քանոթ-բարեկամների և ուղղակի հետաքրքրասերների
հոծ բազմություն հավաքվեց, և միայն այն ժամանակ ամեն ինչ հասկացան,
երբ ստիպված եղան ժամերով սպասել դարպասների շրջակայքում:
Մարդիկ կռահեցին, որ իրենք խաբված են ուրիշ մարդկանց կողմից: Այդ
օրվա դեպքից հետո Լոնդոնում ապրիլի 1-ը «հիմարների օր» անվանեցին: